martes, 10 de mayo de 2011

BIDEO BAT SORTU MOVIE MAKER ERABILIZ

Aurreko saioan poema bat grabatu zenuten. Gaurko saioan poema horri irudiak ipiniko dizkiogu, hau da, poema irudietan birsortuko duzue. Horretarako Movie Maker programa erabiliko duzue

Movie Maker Windowseko programa bat da , beraz ordenagailu guztietan dago eta ez dugu instalatu behar.

Programa honekin bi gauza egin ahal dugu:
  • guk grabatutako bideo bat editatu (moztu zati bat, tituluak ipini, audio manipulatu, musika sartu...).
  • edo irudiekin bideo antzeko bat montatu. 
Bigarren aukera izango da gaur erabiliko duguna. Poemak adierazten dituen sentimendu eta emozioak islatzen dituen argazkiak aukeratu, programan sartu, efektuak eta transizioak gehitu eta grabatutako audio artxiboa (poema) txertatu. Emaitza: bideotxo bat izango dugu.
    Hau guztia egiteko hemen topa dezakegu Isidro Vidalek egindako tutoriala; hemen prozesua pausuz pausu azaltzen da. Educ@contic atarian, DidacticaTIC atalean ere oso bideotutorial ona ikus dezakezue.

    Hona hemen, adibide bat



    Eginda daukagunean, blogean txertatu nahi badugu, bi aukera daukagu:
    • "Añadir vídeo" ikonoan klikatu, bilatu bideo zure ordenagailuan, aukeratu, izenburu bat ipini eta "subirvídeo" botoia sakatu.
    • edo YouTubera igo eta hortik (edozein bideoekin egin dugun bezala) blogean txertatu. Horretarako tutorial hau jarraitu

    AUDIO ARTXIBOA BLOGEAN TXERTATU

    Aurreko saioan audio artxiboa grabatu zenuten. Gaur, hasteko, artxibo hori internetera igoko duzue (DiveShare-ra) eta blogean txertatuko duzue

    Horretarako hemen duzue tutorial pare bat:







    domingo, 8 de mayo de 2011

    You tube-tik mp3-tara!

    You tubeko bideo bat mp3 artxibo batean bihurtu nahi baduzue, hona hemen aukera bat, ppt-n azaltzen dena, oso erraza, guztiz dohainik eta instalaziorik gabe; hori bai, iragarkiez beteta!



    miércoles, 4 de mayo de 2011

    AUDACITY: GRABATZEKO ETA EDITATZEKO PROGRAMA BAT

    Audacity programa soinua grabatzeko eta editatzeko erabil daiteke. Ahozko hizkuntza lantzeko oso tresna egokia eta erreza da. Hona hemen adibide bat: Benedettiren omenaldirako grabatutako poema bat.







    Zer behar dugu? Audacity programa instalatzea (dohainik da) eta programarekin batera Lame MP3 encoder aplikazioa, edo karpeta portablea kopiatu mahaigainean.
    Programa zabalduko dugu eta testu bat (poema, ipuina, berri bat...), kasu honetan poema bat,  grabatuko dugu. Gero musika bat ere gehituko dugu eta soinua editau. Programaren erabilera oso erreza da. Hemen ikus dezakezue tutorial bat.
    Artxiboa eginda dagoenenan mp3 moduan gorde behar dugu.
    Orain blogean txertatzeko beste pausu bat eman behar dugu. Interneten dagoen audioak konpartitzeko espazio batera igo eta hortik blogera pasatu kode bat txertatzen.
    Hemen duzue prozedura:

    • Audacity erabiltzeko hemen ikus dezakezue Lourdes Barrosoren tutoriala, oso argia eta zehatza.
    • Grabatu eta gero internetera igotzeko eta blogean txertatzeko hemen duzue tutorial pare bat:





    Prest zaudete?

    MINTZAMENA LANTZEKO 1. JARDUERA: 1, 2, 3, grabatzen, grabatzen....

    Gaurko saioan hurrengo atazara pasatuko gara: mintzamena lantzeko lehenengo jarduera diseinatzeaHorrela agertzen zen ikastaroaren egitarauan:

    1. Jarduera:
          • Podcast  (poema, berria, ipuina, elkarrizketa, azalpena...) sortu: grabagailu digitalak, Audacity… ,internetera igo (DiveShare…) eta blogean txertatu.
          • Bideo-ipuina, bideo-poema, bideo-erreportaia… sortu:  grabatutako audioa, Movie Maker edizio programa eta YouTubera igo, blogean txertatu.

    Denbora guztian, bi mailaetan lan egingo dugu:
    • maila didaktikoan: zer planteatu ikasleei (zein teztu/genero mota, zein egoeretan, zelan gidatu lana, zelan ebaluatu...)
    • eta maila teknologikoan: zelan grabatu audio artxiboa bat (podcast) eta zelan txertatu blogean
    Lan hau egiteko 2 saio erabiliko ditugu. Saio hauetan guk zuekin mintzamena lantzeko burutuko dugun jarduera zuek  gero ikasleekin egin ahal duzuen simulazioa izango da.
    Gaurko lana, bereziki, Audacity programa maneiatzea izango da,  badakizue... "egiten ikasten da".
    Zuek, orain, ikasleak izango zarete. Poema bat grabatu beharko duzue. Gero musika txertatuko dugu eta editatu. Azkenengo pausua da internetera zelan igo eta blogean zelan txertatu.

    Zuen txanda da!

    Orain, irakasle moduan, beste mailan ere aritu beharko duzue: zein jarduera planteatuko diezue ikasleei, zelan trebatu , zelan  gidatu prozesua (kontrol zerrenda) eta zelan ebaluatu (ebaluazio fitxa). Hurrengo post batean honetaz erreferntzia gehiago eskeiniko dizkizuegu.

    Zuen burua inspiratzeko, hona hemen, adibide batzuk:
    • Averroes Institutuko mintzamena lantzeko blog bat: En voz alta 
    • Urrunera joan barik, entzun ezazue Kareaga Gokikoa eskolan, pasa den ikasturtean, irakasle batek hirugarren zikloko ikasleekin egindako irratsaioa.

    martes, 12 de abril de 2011

    4. ATAZA (3): FORMULARIOA SORTU ETA BLOGEAN TXERTATU

    Prestatu duzuen galdetegia Google Docs-en formulario bihurtzeko hemen duzue tutoriala.

    Google Docs-en formulario bat sortu


    Blogean txertatu entzumena jarduera osatzeko.




    Baina zer da Google Docs?

    Zer da Google Docs?  Ezagutzen duzue aplikazio hau? Zertarako balio du? 
    Google Docs Google plataformako beste zerbitzu bat dugu. Interneten espazio bat eskeintzen digu on-line-nen lan egiteko eta lana konpartitzeko. Dokumentuak interneten daude, ez gure ordenagailuan,  eta hortxe bertan lantzen dugu. Dokumentu horiek nahi ditugun pertsonekin konpartitu ahal ditugu; horrek esan nahi du pertsona desberdinek (baimena izanez gero) editatu ahal dute batera dokumentu bera. Interesgarria, ezta?


    Zer egin ahal dugu Google Docs aplikazioarekin?

    • Ade batetik zure dokumentuak (DOC, XLS, ODT, ODS, RTF, CSV, PPT, eta abar.) igo ahal dituzue. 
    • Beste aldetik, hortxe bertan ere dokumentuak sortu ahal dituzu (Doc, Aurkezpenak, Kalkulo Orriak eta Galdetegiak). 
    • Gero argitaratu ahal dituzu blogean txertatzeko edota linkatzeko.
    • Eta gainera, igo ditugun edota sortu ditugun dokumentu horiek konpartitu ahal ditugu beste batzuekin. Haiek ere editatu ahal izango dituzte. Elkarlana bultzatzeko oso tresna baliogarria da

    Bideo honetan oso era adierazgarrian azaltzen da:



    Hasteko, zuen datuak jasotzeko Google Docs-en egindako dokumentu bat konpartitu dugu zuekin eta elkarrekin editatuko dugu.
    Hona hemen, Google Docs erabiltzeko tutorialak

    4. ATAZA (2): AUDIO ARTXIBOA LANTZEKO ARIKETA/GALDETEGIA SORTU

    Gaurko saioan, aurrekoan hasitako entzumena jarduera amaituko dugu.
    Aurreko saioan, entzumena lantzeko audio artxiboa (audioa edo bideoa) topatu zenuten eta blogean txertatu. Hemen duzue tutoriala.

    Baina zer eskatuko diezue ikasleei testuaren ulermena ziurtatzeko? Zer nahi duzue landu? (ikusi aurreko posta)
    Horretarako word dokumentu bat prestatu duzue.  Baina blogean txertatzeko beste pausu bat eman behar dugu. 

    Zer egingo dugu? Google Docs aplikazioa erabili:
    • word dokumentua Google Docs-era igo eta blogean txertatu
    • word dokumentuan daukagun galdetegiari Formulario interaktiboaren formatoa eman eta blogean txertatu

    miércoles, 6 de abril de 2011

    4. ATAZA: OIR, ESCUCHAR Y ENTENDER: ENTZUMENA LANTZEKO JARDUERA BAT DISEINATU

    Bloga sortu dugu. Interneten espazio berri bat zabaldu dugu, baina orain bete behar dugu. Zer egingo dugu tresna horrekin? Zertarako erabiliko dugu? Aurreko post batean argitaratutako aurkezpenean adibide batzuk ikusi ditugu. Denetarik egin ahal dugu blogean. Guk, hasteko, entzumena lantzeko jarduera bat diseinatzea eta blogean ikasleei aurkeztea proposatzen dizuegu.


    Irudiaren kreditua

    Trebatasun hau lantzeko bi aspektu kontuan hartu behar dugu:
        - zer entzun: audioak topatu
        - zelan antolatu jarduera: audio hori entzunten dutenenan ikasleek zer egin behar duten diseinatu behar dugu.


     Non topatu audioak?
    • Interneten hainbat baliabide topa daitezke. Hemen uzten dizkizuegu euskeraz audioak topatzeko egokiak izan ahal diren helbide batzuk:

    Zelan antolatu jarduera? Zer egin behar dute ikasleek?
          Horretarako dokumentu batzuk hartuko ditugu abiapuntu:

          Hona hemen holako jardueren adibide batzuk:

          Entzumena froga

          Entzun eta galderak erantzun

          Ikusi bideo hau

          3. ATAZA: ERABILTZAILE BERRIAK EGIN ETA KOMENTARIOAK KUDEATU

          Bloga baduzue. Batzuk erabiltzen hasi zarete jadanik. Zorionak guztioi! Bide berria zabaldu duzue. Agian, hasieran, zaila egingo zaizue, baina denboraz oso motibagarria gertatuko zaizue, eta amaieran ezinbestekoa izango da zuentzat. IKTek atxikipena sortzen dute. Hemendik gutxira guztiak blog-zale amorratuak!

          Blogaren kudeaketarrkin amaitzeko gaur bi prozedura ikasiko dugu:
          • komentarioak zelan egin eta kudeatu
          • blogaren erabilera ezarri: nortzuek irakur dezakete (publiko/pribatua) eta nortzuek idatz dezakete (erabiltzaile berriak sortu)
          Horretarako "configuración" delako atalean sartuko gara eta azpiatal hauek aztertuko ditugu: "básico", "comentarios", "archivo", "permisos".

          miércoles, 23 de marzo de 2011

          2. ATAZA: GURE LEHENENGO POST-a IDATZI

          Espazio bat zabaldu dugu interneten ikasleei zuzendua. Oraintxe berau elikatzeko unea heldu zaigu.
          Hasteko ure ikasleei blogaren aurkezpena egin: nor zara, ikastetxearen erreferentzia, zertarako erabiliko duzun, haien partaidetza...
          Post honetan, idazteaz gain ondoko elementuak agertu beharko dira:
          • kanpoko web gune batekiko esteka bat
          • irudi bat, sarreraren edukia osatzeko edota azaltzeko
          Amaitzen duzunean, etiketak ipini eta posta argitaratu.
            Ataza hau gauzatzeko, hona hemen, laguntzazko tutoriala

            miércoles, 16 de marzo de 2011

            1. ATAZA: GURE LEHENENGO BLOGA SORTU

            Gaurko saioan bakoitzak blog bat sortuko du. Horretarako Blogger web orrira joango gara eta gmail kontuaren datuekin (erabiltzailearen izena eta pasahitza) sartuko gara ("acceder"). Lehenengo urratsak emateko ona hemen tutoriala:


            Bloggerrek diseinurako aukera berriak eskeintzen dituenez,   Txantiloi Diseinatzeko oinarrizko tutorial hau lagungarria gerta daiteke.
            Alejandro Valeroren blogean beste tutorial hau topatu dugu. Oso zehatza da.

            ZER DIRA BLOGAK?

            Hasi baino lehenago blogeei burzko oinarrizko informazio ezagutu beharko duzue.
            Hona hemen gaurko saioan erabiliko dugun aurkezpena:

            ZER DAKIGU WEB 2.0ari BURUZ?




            Web 2.0 konteptua gero eta zabalduago dago. Jakin barik ere guztiok gaude web 2.0 horretan murgilduta. Baina... zertan datza? Azaldu ahal dugu zer den? Zein lotura dauka irakaskuntzarekin? Zergatik interesatu ahal zaigu?

            "Irudi bat mila hitzak baino gehiago balio duela" esaten denez, hona hemen Educastur (Asturias Komunitateko Hezkuntza Web gunea) kideok egindako bideo labur bat. Hemen ikastaroan zehar aipatu eta erabiliko ditugun hainbat tresnak agertzen dira. Oso egokia da lehenengo kontaktoa izateko eta, horrez gain, bideo bera ere web 2.0aren erabilpen eredu on bat dugu.

            Hau ikusi ondoren gai honekiko zuen aurrezagupenak eta esperientziak azalarazteko bete itzazue inkesta hau

            Ongi etorri Ikastaro honetara

            Kaixo. Blog hau zuen ikastetxean Hizkuntzak eta IKTen inguruan emango dugun ikastarorako gune berria da. Espazio honetan informazioa, aurkezpenak, atazak eta abar eskegiko ditugu zuek eskura eukitzeko.
            Gaitasunak direla eta "zerbait egiten "egiten" ikasten dela esaten dugu. Blogak erabiltzen "erabiltzen" ikasten da. Hemendik aurtengo prozesua bideratuko dugu.
            Hauxe da aurreikusi dugun egitaraua.